LETTRE-PREFACE DE MONNÉ
(1910)



Moun bèl Ami,

Ex legissènt toun Aprendissage de la Vido me siéu remembra d'un libre que li raconte que i'èron enclaus m'avien forço esmougu dins ma primo jouvènço.

Eiça, vers 1848, que li bon fraire dis Escolo Crestiano s'establiguèron à Bedouin (Vau-Cluso), au pèd dóu Ventour, quàuqui drouloun de Crihoun, - que iéu n'ère n'en fuguerian si proumiés escoulan, e s'anè trouba que, dins li libre que nous boutèron entre man, n'i'aguè un subre-tout que mai-que-mai me coungoustère de lou legi qu'avié pèr titoulet : La Morale en action, e que cadun de si raconte me boulegavo lou cor.
Aquéu libre tenié poulidamen rejoun, tóuti lis ate, tóuti lis acioun superbo que l'ounour, la fe, l'amour e l'enavans avien fa resplendi, e que sa clarour poudié enlusi lou cor di jouvènt e lis enaura vers lou Bèu, lou Bon e lou Verai. Ero coume uno orto que tóuti li vertu ié flourissien ; èro coume un fare qu'ensignavo la draio que l'amo avié de segui ; èro, aquéu libre, lou bon semenaire que jitavo lou grau en uno terro drudo, aquéu gran que flouris e grano ; èro, se pôu dire, lou soulèu que dauro l'espigo, aquelo espigo que se n'en tira pièi lou dan de la vido.

E vertadieramen m'a sembla que toun Aprendissage de la Vido, èro un di chapitre dóu libre de la La Morale en action, beluguejant tourna-mai davans mis iue, e que dins uno lusour douço, venié traire à moun vieiounge l'esmougudo que m'avié fa tresana dits moun jouvènt ; e tant i'ai trouba de leiçoùn majo sertido en de paraulo simplo e regouiranto de toun cor d'elèi que siéu mai-que segur que li jouvènt que s'adraion vers l'aveni, ié troubaran la frucho sabourouso que baio vigour pèr triounfla dins la lucho e li tressimàci, à-n-aquéli que, - au tèms que sian - s'alandon pèr davera li jaio au gaiardet.

E, coume l'eisèmple es de-longo proufichous e que n'i'a jamais de soubro, es just Pèr acó que m'es esta grand' jaio de te buta, bèl ami, á la publicacioun de tout oubreto, noun soulamen, amor qu'es un vertadié chapitre de La Morale en action, tuai encaro Pèr-ço-que m'es vejaire que, couime Sant-Trefume, dins la Coumunioun di Sant, de Frederi Mistral, es vuei, mai-que-jamai, lou cas de dire



à tu de cor,

Jan MONNÈ.

Marsiho, 2o d'avoust 1910



tacussel.fr